UEFA Champions League

Hierdie artikel handel oor UEFA se Europese sokkertoernooi, vir ander gebruike, sien Champions League (dubbelsinnig).

UEFA Champions League
2023–24 UEFA Champions League
Kenteken van die UEFA Champions League
Sportsoort	Sokker
Gestig	1955
Eienaar	UEFA
Inwydingseisoen	1956
Deelnemende lande	Europa
Aantal spanne	32 (groepfase)
Mees onlangse kampioen	Manchester City FC (2023)
Verwante kompetisies	UEFA Superbeker UEFA Europa League FIFA-Klubwêreldbeker

Die UEFA Champions League is die grootste bekertoernooi vir sokkerklubs ter wêreld. Die Champions League is 'n uitkloptoernooi vir Europese sokkerklubs wat hoog in hulle nasionale ligas geëindig het (sterker liga's sal meer klubs as swakker liga's afvaardig). Die toernooi word deur UEFA georganiseer. Die toernooi begin met die groepuitdunne, waar die boonste twee spanne in elke groep van vier in die uitklopfase van die toernooi speel. Die spanne wat derde in die groep eindig speel verder in die Europa League.

Daar word algemeen na die wenner van die Champions League verwys as die sterkste sokkerspan ter wêreld. Die huidige kampioen is Manchester City FC. In 2023 het hulle FC Internazionale Milano met 1–0 in die eindstryd geklop en sodoende hul eerste Kampioenebeker ingepalm.